پوهنتون د مسلکي پرمختيايي مرکز مشورتي بورډ ناسته وشوه
سيد جمال الدين افغاني پوهنتون د مسلکي پرمختيايي مرکز مشورتي بورډ د علمي چارو مرستيال او د پوهنتون سرپرست قاضي عبدالهادي فضلي په مشرۍ ناسته وکړه، چې د مسلکي پرمختيا آمر پوهنيار امان الله توتاخېل او د بورډ نورو غړو په کې برخه لرله.
پيل کې قاضي عبدالهادي فضلي د ظرفيت لوړونې پروگرامونو پر اهميت او ارزښت خبرې وکړې او دا روزنيزې برنامې يې د استادانو، اداري کارکوونکو او محصلينو د مسلکي پرمختگ په برخه کې يوه اړينه او دوامداره پروسه وبلله.
ياده کاري ناسته چې له اجندا سره سم د روزنیزو برنامو پر ټاکنه، د روزونکو استادانو پر ستاينه او نورو بېلابېلو موضوعاتو په اړه په کې بحث وشو، د خیر په دُعا پای ته ورسېده.
