پوهنتون د رييس په مشرۍ علمي شورا ناسته وکړه
د سيد جمال الدين افغاني پوهنتون علمي شورا د پوهنتون رييس پوهنمل محب الله محب په مشرۍ خپله نوبتي ناسته وکړه.
۲۴، ربيع الثاني، ۱۴۴۵ هــ . ش
په دغه کاري ناسته کې د پوهنتون علمي چارو مرستيال پوهندوی ميرويس ستانکزي، د محصلانو چارو مرستيال پوهنمل علي احمد بهار، د مالي او اداري چارو مرستيال قاري رحمن الله صادق، د پوهنځيو رييسانو او د دې شورا نورو غړو برخه لرله، چې د پوهنتون علمي – څېړنيزې مجلې(اند) لومړنۍ گڼې تاييد، د کرنې پوهنځي اړوند نباتاتو ساتنې د نوي ديپارتمنت پروپوزل، د محصلينو فراغت غونډو، د تاريخ، جغرافيه، رياضي او فزيک ديپارتمنتونو د محصلينو او د دعوت او ارشاد اړوند موضوعاتو په اړه په کې بحث او پرېکړې وشوې.
د پوهنتون رييس پوهنمل محب الله محب د پرانېستې وينا پر مهال د پوهنتون علمي او ادارې غړو له خدمتونو مننه وکړه او همداراز یې د چارو د لا ښهوالي او چټکوالي سپارښتنه وکړه.
د يادې ناستې په ترڅ کې د پوهنتون علمي شورا غړو د نورو موضوعاتو په اړه هم بحث او پرېکړې وکړې.
