پوهنتون کې د کابل پوهنتون محصلینو ته د کونړ ولايت طبي بوټو په اړه معلوماتي سېمينار وړاندې شو
د کابل پوهنتون کرنې پوهنځي محصلین چې د دوه تنو استادانو په ملتيا کونړ ولايت ته په علمي سير راغلي ول، د سيد جمال الدين افغاني پوهنتون د کرنې پوهنځي استاد پوهنيار ضياء الرحمن حاتم له لوري ورته د کونړ ولايت طبي بوټو په اړه معلوماتي سېمينار وړاندې شو.
يادو محصلینو د خپل درې ورځني سفر په ترڅ کې د کونړ ولایت له بېلابېلو سيمو او د سيد جمال الدين افغاني پوهنتون په انگړ کې د نباتي پوښښ او همداراز د کرنې پوهنځي له څېړنيز فارم څخه ليدنه وکړه او د کونړ ولايت د بېلابېلو طبي بوټو په اړه یې معلومات ترلاسه کړل.
د يادونې ده چې راغلو محصلينو ته د سيد جمال الدين افغاني پوهنتون له لوري د درې ورځني سفر په ترڅ کې لازمې اسانتاوې هم برابرې شوې وې.
