پوهنتون کې د ملکي خدمتونو خالي بستونو لپاره ازموینه واخیستل شوه
سيد جمال الدين افغاني پوهنتون کې د اداري او خدماتي خالي بستونو د ډکولو په موخه له(۳۴۲) تنو په شرايطو برابرو نوماندانو څخه ازموینه واخيستل شوه. د پوهنتون رييس شيخ عبدالمالک محسن په خپلو خبرو کې د شفافيت په اړه د ازموینې گډونوالو ته پوره ډاډ ورکړ او زياته یې کړه چې هر هغه څوک به يادو بستونو ته بريالی کېږي چې له نورو زیاتې نمرې واخلي. ياده ازموينه پوهنتون د رييس په گډون، د پوهنتون مرستيالانو، د پوهنځيو رييسانو، استادانو او د بشري سرچينو د مسؤلينو په حضور کې واخيستل شوه چې بريالي کسان به يې د ملکي خدمتونو د شپږو(۶) خالي بستونو لپاره پر دندو و گمارل شي.
