پوهنتون د ليليې په مسجد کې محصلينو ته د کونړ ولايت د جهادي مدرسې مهتمم له لوري اصلاحي بيان وشو
ياد ولايت د جهادي مدرسې مهتمم ته چې د سيد جمال الدين افغاني پوهنتون د دعوت او ارشاد آمريت د اصلاحي پروگرامونو په لړ کې بلنه ورکړل شوې وه؛ د پوهنتون رييس شيخ عبدالمالک محسن له لوري ورته ښه راغلاست وويل شو. د ماښام تر لمانځه وروسته د جهادي مدرسې مهتمم شيخ الحديث مولوي رحمت دين مدني د نفس اصلاح او روحاني علاج، له غفلت څخه ډډه کول، خپل وخت قيمتي گرځول او د ځان اصلاح پر موضوعاتو تفصيلي بيان وکړ چې دياد پوهنتون سلگونو محصلينو په کې برخه لرله.
