په سيد جمال الدين افغاني پوهنتون کې محصليونو ته د ديني او اصلاحي پروگرامونو په لړ کې د پنځلس ورځنۍ تربیتي دورې درسونه لا هم روان دي
د ياد پوهنتون او د نورستان لوړو زده کړو مؤسسې محصليونو ته د پيل شوې پنځلس ورځنۍ تربیتي دورې تدريس چې د لوړو زدهکړو وزارت د دعوت او ارشاد ریاست له لوري پلان شوی نن د پنځمې ورځې لپاره هم په منظمه توگه روان دی.
ټاکل شوې چې په یاده پنځلس ورځنۍ تربیتي دوره کې د کونړ ولایت جید علماء او شیوخ کرام د يادو علمي بنسټونو ۶۰ تنو محصلينو ته د قرانکريم تلاوت، تجويد، ترجمې او تفسير سربېره د رسول الله ﷺ سیرت، عباداتو فقې او نورو بېلابېلو اسلامي او ديني موضوعاتو په اړه اصلاحي او تربيتي بيانونه وکړي.
د یادونې وړ ده، چې محصلینو ته د سيد جمال الدين افغاني پوهنتون له لوري د پنځلس ورځو پر دوام د خوراک او اوسېدو زمينه هم برابره شوې ده.
