د ښوونې او روزنې پوهنځي ممتاز محصلین د يوې غونډې په ترڅ کې وستايل شول
په دغه ستاينغونډه کې د ياد پوهنځي رييس پوهنيار مولوي خانزارده حنيفي، استادانو، اداري کارکوونکو او محصلينو برخه لرله. د غونډې په پيل کې د ښوونې او روزنې پوهنځي رييس محصلينو ته لازمې لارښوونې او توصيې وکړې او د ممتازو محصلینو هڅې او لاسته راوړنې يې وستایلې. همداراز د غونډې په ترڅ کې ممتاز محصلين په ستاینلیکونو ونازول شول.
هېره دې نه وي چې د دې غونډې په لړ کې د ياد پوهنځي له لوري محصلينو ته د پوهنتوني چاپېريال د پېژندگلوۍ په تړاو چمتو شوي معلومات هم وړاندې شول.
