د پوهنتون اداري شورا ناسته وکړه
پوهنتون د اداري شورا په ناسته کې د چارو په چټکتيا او کارونو کې پر اخلاص ټينګار وشو.
۱۶ مه، جمادی الاول، ۱۴۴۵ هـ . ق
ياده ناسته چې د سيد جمال الدين افغاني پوهنتون د مالي او اداري چارو مرستيال قاري رحمن الله صادق په مشرۍ تر سره شوه په کې د پوهنتون آمرينو، عمومي او اجرايه مديرانو برخه لرله.
په دې کاري ناسته کې د اسلامي امارت مشرتابه عالي مقام د فرمانونو عملي کول، په اداري چارو کې سلسله مراتب، اخلاص او چټکتيا، دفترونه له اداري نورمونو سره منظمول او پاک ساتل، د نظام له پاليسيو سره سم د کارونو سرته رسول، له مراجعينو سره نېکه رویه او نور بېلابېل موضوعات بحث شول.
د پوهنتون مالي او اداري مرستيال د يادو موضوعاتو په هکله اړوندو مسؤلینو ته لازمې سپارښتنې او لارښوونې وکړې.
