د سيد جمال الدين افغاني پوهنتون مشرتابه پلاوي د يو شمېر پوهنځيو له تدريسي بهير څخه ليدنه او څارنه وکړه
د پوهنتون مشرتابه پلاوي د اقتصاد، کمپيوټرساينس او زراعت پوهنځيو له تدریسي بهیر څخه لیدنه او څارنه وکړه.
د پوهنتون رييس شيخ عبدالمالک محسن او د محصلانو چارو مرستیال پوهنمل علي احمد بهار د اقتصاد، کمپيوټرساينس او زراعت پوهنځيو تدریسي چارې له نږدې ولیدې چې د لیدنې پر مهال يې د يادو پوهنځيو د تدریسي بهیر د څارنې او ارزونې تر څنگ؛ د استادانو او محصلینو ستونزې واورېدې او هغوی ته يې د حل ډاډ وکړ.
ياد پلاوي د تدریسي بهیر له څارنې او ارزونې وروسته د چارو د لا ښهوالي په موخه مسؤلینو ته اړینې سپارښتنې او لارښوونې وکړې.
