د سيد جمال الدين افغاني پوهنتون رييس له کمپيوټرساينس پوهنځي څخه ليدنه وکړه
د پوهنتون رييس شيخ عبدالمالک محسن له پوهنځيو څخه د خپلو ليدنو پر دوام نن ورځ د کمپيوټرساينس پوهنځي له بېلا بېلو برخو څخه د ليدنې تر څنگ د پوهنځي له مسؤلينو سره ناسته هم وکړه.
پيل کې د ياد پوهنځي رييس پوهنيار ذاکرالله عزام د پوهنځي د پرمختگونو، لاسته راوړنو، شته ستونزو او راتلونکو پلانونو په اړه پرېزنټیشن وړاندې کړ.
ورپسې د پوهنتون رييس شيخ عبدالمالک محسن په خپلو خبرو کې د ياد پوهنځي په لاسته راوړنو خوښي وښوده او ستونزو د حل ډاډ يې ورکړ.
نوموړي همداراز د پوهنځي مسؤلينو ته سپارښتنه وکړه چې د محصلینو مسلکي او تخنيکي روزنې سربېره فکري او اصلاحي برخې ته هم پوره پاملرنه وکړي.
د کمپيوټرساينس پوهنځي مسؤلينو د پوهنتون رييس په ورتگ خوښي وښوده او د محصلينو د سالمې روزنې په برخه کې يې د پوهنتون مشرتابه ته پوره اطمنان ورکړ.
