د پوهنتون رهبري شورا ناسته وشوه
د سيد جمال الدين افغاني پوهنتون رئيس الحاج مولوي عبدالواسع منصور په مشرۍ او د پوهنتون مرستيالانو په گډون د رهبري شورا ناسته وشوه چې د پوهنتون عمومي کتابتون ستونزو ته د اساسي حل لارو پيدا کول او نور بېلابېل موضوعات په کې بحث شول.
پوهنتون رئيس د پرانیستې وینا پر مهال د ښه راغلاست ترڅنگ د يادو موضوعاتو په هکله مسؤلینو ته دندې وسپارلې او هغوی ته يې په اړوندو چارو کې د ښې همغږۍ او پوره همکارۍ لارښوونه وکړه. نوموړي په اسلامي شريعت کې د مشورې ارزښت او اهميت بيان کړ او مرستيالانو ته يې سپارښتنه وکړه چې د پوهنتون د بهبود او پرمختگ لپاره ورسره خپلې سالمې مشورې شريکې کړي. په دغه ناسته کې د پوهنتون مرستيالانو خپلې ستونزې، وړانديزونه، مشورې او نظرونه د پوهنتون له رئيس سره شريک کړل او هغه يې مشورې او نظرونه په غور سره واورېدل او ستونزو د حل او وړانديزونو د پوره کېدو په برخه کې يې پوره ډاډ ورکړ. ياده ناسته د خیر په دُعاء سره پای ته ورسېده.
