د ښوونې او روزنې پوهنځي څلورمو ټولگيو محصلينو ته(په ټولنيزو علومو کې د څېړنې او مونوگراف ليکنې لارې چارې) تر سرليک لاندې يو ورځنی روزنیز سېمینار داير شو
دغه روزنیز سېمینار چې د سيد جمال الدين افغاني پوهنتون د ښوونې او روزنې پوهنځي د څېړنو کمېټې په نوښت جوړ شوی ؤ، د پوهنتون علمي څېړنو او مجلې مرستيال پوهندوی دوکتور سيد اصغر هاشمي له لوري په کې د مونوگراف لیکنې د نوي لارښود په رڼا کې د پرېزېنټېشن په بڼه د مونوگراف پېژندنې، ډولونو، ځانگړنو، شکلي جوړښت، ماخذ ښودنې لارو چارو او نورو څېړنيزو خواوو په تړاو محصلانو ته هر اړخيز معلومات وړاندې شول او همداراز يې د گډونوالو پوښتنې هم ځواب کړې.
د يادونې وړ ده چې په دغه روزنیز سېمینار کې د ښوونې او روزنې پوهنځي د شپږو ديپارتمنتونو(پښتو، عربي، انگليسي، ارواپوهنې، تاريخ او جغرافيه) د څلورمو ټولگيو لسگونو محصلينو برخه اخيستې وه.
