پوهنتون د رهبري شورا ناسته وشوه
د سيد جمال الدين افغاني پوهنتون رييس شيخ عبدالمالک محسن په مشرۍ او د پوهنتون مرستيالانو په گډون د رهبري شورا ناسته وشوه چې په کونړ ولايت کې د ۱۴۰۴ کال کانکور ازموينې لپاره د چمتووالي او نور بېلابېل موضوعات په کې بحث او لازمې پرېکړې پرې وشوې.
پوهنتون رييس د پرانیستې وینا پر مهال د ښه راغلاست ترڅنگ د يادو موضوعاتو په هکله اړوندو مسؤلینو ته لازمې سپارښتنې او لارښوونې وکړې.
د يادونې ده چې د ازموینو ملي ادارې له پلان سره سم د کونړ ولایت د ۱۴۰۴ کال کانکور ازموینې د بایومتریک معلوماتو ثبتولو پروسه به راتلونکې دوشنبه او سهشنبه د غبرگولي/جوزا پر(۲۶- ۲۷مه) نېټه او د کانکور ازموینه به د چهارشنبې، پنجشنبې او جمعې په ورځو د غبرگولي/جوزا پر(۲۸ – ۲۹ – ۳۰مه) نېټه په کونړ سيد جمال الدين افغاني پوهنتون-يارگل بېله کې واخیستل شي.
