دعوت او ارشاد کمېټې د پوهنتون رييس په مشرۍ د امر بالمعروف او نهی عن المنکر قانون د ښه تطبیق په موخه ناسته وکړه
سيد جمال الدين افغاني پوهنتون د رييس شيخ عبدالمالک محسن په مشرۍ د دعوت او ارشاد کمېټې د امر بالمعروف او نهی عن المنکر قانون د ښه تطبیق په موخه ناسته وکړه چې په کې د مالي او اداري چارو مرستيال حافظ مولوي محمدعثمان سعيد او د کمېټې نورو غړو برخه لرله.
ياده ناسته کې د دعوت او ارشاد کمېټې غړو د پوهنتون مشرتابه ته د امر بالمعروف او نهی عن المنکر قانون د تطبیق په برخه کې د خپلو فعاليتونو راپور وړاندې کړ، چې د هغوی له لوري ورته د ياد قانون د ښه تطبيق په برخه کې لازمې لارښوونې او سپارښتنې وشوې. دا ناسته د خیر په دُعا سره پای ته ورسېده.
