پوهنتون د ستراتيژيک پلان جوړونې بورډ ناسته وکړه
ياده کاري ناسته کې د سيد جمال الدين افغاني پوهنتون علمي چارو مرستيال قاضي عبدالهادي فضلي، د محصلانو چارو مرستيال پوهنمل علي احمد بهار، د علمي څېړنو او مجلې مرستيال پوهندوی دوکتور سيد اصغر هاشمي او د ستراتيژيک پلان بورډ غړو گډون درلود، چې د ستراتيژيک پلان پر نهايي طرحې تر بحث وروسته پرېکړه وشوه چې دا طرحه دې راتلونکې علمي شورا ته د تايید لپاره وړاندې شي.
پوهنتون د علمي چارو مرستيال په خپلو خبرو کې د ښه راغلاست ترڅنگ، د بورډ له غړو او ښکېلو خواوو څخه مننه وکړه چې د پوهنتون ستراتيژيک پلان په ترتيب کې يې هلې ځلې کړې دي. ياده ناسته د خير په دُعا سره پای ته ورسېده.
