سيد جمال الدين افغاني پوهنتون کې د اتم سمستر محصلينو ته يو ورځنی روزنیز سېمینار داير شو.
شرعياتو پوهنځي د فقهې او قانون دیپارتمنت اتم سمستر محصلینو ته د(مونوگراف ليکنې عملي لارښود) تر سرليک لاندې يو ورځنی سېمینار داير شو چې په کې د څېړنې او ليکنې؛ کړنلاره او اصول تشريح شول.
ياد روزنیز سېمینار د فقهې او قانون دیپارتمنت استاد پوهنمل محمد سليم کريمزي له لوري وړاندې شو چې گډونوالو يې پر دایرېدو خوښي وښوده.
د یادونې ده، چې د شرعياتو پوهنځي د اسلامي تعليماتو دیپارتمنت اتم سمستر محصلینو ته هم د ياد سرليک لاندې يو ورځنی روزنیز سېمینار پلان شوی چې په روانه اونۍ کې به داير شي.
