د شرعياتو پوهنځي ممتاز محصلین د يوې غونډې په ترڅ کې وستايل شول
په ياده ستاينغونډه کې د سيد جمال الدين افغاني پوهنتون عمومي رئيس الحاج مولوي عبدالواسع منصور، د محصلانو مرستيال مفتي شېرافضل منصور، د شرعياتو پوهنځي رئيس مولوي کليم الله حقاني، د ياد پوهنځي استادانو او محصلينو گډون کړی ؤ.
غونډې ته د پوهنتون عمومي رئيس په خپله وينا کې ممتازو محصلينو ته مبارکي وويله او د هغوی په لاستهراوړنو او هلوځلو يې خوښي او خوشحالي وښوده. نوموړي محصلينو ته وويل چې نظام او ولس له تاسو لوی اُمېدونه لري نو په خپل علم او استعداد سره په ټولنه کې د پوهنتون نوم روښانه کړئ. الحاج مولوي عبدالواسع منصور په خپلو خبرو کې د علم مقام، ارزښت او اهميت بيان کړ او محصلين يې مخاطب کړل، چې د خپلو مشرانو او استادانو احترام او قدر وکړي او د نعمتونو شُکر اداء کړي.
په غونډه کې د محصلانو مرستيال محصلينو ته د وخت سالم مديريت په تړاو لازمې لارښوونې وکړې او ويې وويل، چې په علم کې د امتياز حاصلول تصادفي نه دي، چې ډېره خواري او کوشش غواړي نو ټول بايد د خپلو استعدادونو، فرصتونو او وخت قدر وکړئ. غونډه ممتازو محصلينو ته د ستاينليکونو له ورکولو وروسته؛ د شرعياتو پوهنځي رئيس مولوي کليم الله حقاني له لوري په دُعايه کلماتو سره پای ته ورسېده.
