د سيد جمال الدين افغاني پوهنتون درې تنو استادانو لوړو علمي رتبو ته د ترفېع په موخه خپل دويم علمي کنفراسونه وړاندې کړل
د سيد جمال الدين افغاني پوهنتون زراعت پوهنځي د اگرانومي څانگې استادانو هر يو: پوهنمل دوکتور امين الله نورزي د پوهندوی علمي رتبې ته د ترفېع په موخه(د غنمو پر وده او حاصل د نايتروجن د مختلفو اندازو او غلظتونو د استعمال د اغېزو مطالعه) او پوهنيار حميدالله حميد د پوهنمل علمي رتبې ته د ترفېع په پار(د غنمو پر حاصل د اټلاټس، ترای الټرا او ټوټل پلس ګياه وژونکو او د لاسي کنټرول د اغېزو مطالعه) تر سرليکونو لاندې او د ښوونې او روزنې پوهنځي د بيولوژي څانگې استاد پوهنمل اختيار محمد صافي د پوهندوی علمي رتبې ته د ترفېع په موخه(د هستوي پوښ جوړښت او د لامينوپاتې ناروغيو په کنټرول کې يې د ونډې څېړل) تر سرليک لاندې خپل دويم علمي کنفرانسونه وړاندې کړل.
ياد کنفرانسونه چې د پوهنتون مسلکي پرمختيا آمريت په تالار کې وړاندې شول، د ژوري هيئت غړو سربېره په کې د پوهنتون استادانو او محصلينو برخه لرله، چې له ازاد بحث او د ژوري هيئتونو تر مثبتې ارزونې وروسته پر دُعايه کلماتو سره پای ته ورسېدل.
