د پوهنتون عمومي رئيس په لارښوونه د پوهنځيو د ترسره کړو فعالیتونو او راتلونکو پلانونو په تړاو د تشرېحي غونډو په لړ کې نن ورځ د اقتصاد پوهنځي رئيس له لوري معلوماتي پرېزنټېشن وړاندې شو
د سید جمال الدین افغاني پوهنتون عمومي رئيس الحاج مولوي عبدالواسع منصور د علمي او اداري چارو د لاښه پرمختگ او مؤثرې پلان جوړونې په موخه د پوهنځيو رئيسانو ته ځانگړې لارښوونه کړې، چې د خپلو ترسره کړو فعالیتونو راپورونه او راتلونکي پلانونه د يوې غونډې په ترڅ کې له اړوندو برخو سره شريک کړي. د يادو لارښوونو په رڼا کې نن ورځ د اقتصاد پوهنځي رئيس پوهنيار حامد احمد مراد د خپلو ترسره کړو علمي او اداري فعاليتونو تفصيلي راپور او د راتلونکو عادي او انکشافي پلانونو په اړه خپل چمتو کړی پرېزنټېشن وړاندې کړ.
د پوهنتون عمومي رئيس په خپلو خبرو کې د ياد پوهنځي په لاسته راوړنو او پرمختگونو خوښي وښوده او د پوهنځي رئيس ته يې د راتلونکو پلانونو په برخه کې لازمې لارښوونې او سپارښتنې وکړې او همدارز يې هغوی ته يې د شته ستونزو د حل ډاډ ورکړ.
ټاکل شوې ده چې د يادو لارښوونو پر بنسټ به د هر پوهنځي رئيس په خپل وار د ترسره کړو فعالیتونو او راتلونکو پلانونو په تړاو دې ته ورته تشرېحي غونډې دايرې کړي، چې د پوهنځیو تېر فعالیتونه به په کې وړاندې او راتلونکي پلانونه به يې وڅېړل شي.
