کونړ ولايت کې د تنوير خصوصي پوهنتون د دعوتي چارو څارنه او ارزونه وشوه
د سيد جمال الدين افغاني پوهنتون د دعوت او ارشاد آمريت د پلان له مخې په کونړ ولايت کې د تنوير خصوصي پوهنتون د دعوتي چارو څارنه او ارزونه وشوه. د دعوت او ارشاد آمر مولوي خليل الله معصوم په مشرۍ ورغلي پلاوي د خپلې څارنې په ترڅ کې د ياد خصوصي پوهنتون د دعوتي چارو هر اړخيزه ارزونه وکړه او په دې برخه کې يې د لا ښهوالي په موخه د تنوير خصوصي پوهنتون اړوند مسؤلينو ته لازمې سپارښتنې او لارښوونې وکړې.
د يادونې وړ ده چې د سيد جمال الدين افغاني پوهنتون مسؤلين د يو منظم پلان له مخې په کونړ ولايت کې د تنوير خصوصي پوهنتون له فعاليتونو څخه دوامداره څارنه کوي.
