پوهنتون مشرتابه پلاوي د روان سمستر له پیل شويو ازموینو ليدنه او څارنه وکړه
سيد جمال الدين افغاني پوهنتون د محصلانو چارو مرستيال پوهنمل علي احمد بهار، د مالي او اداري چارو مرستيال قاري رحمن الله صادق د پوهنځيو رييسانو او د امتحاناتو مرکزي کمېټې د غړو په ملتيا د بېلابېلو ليدنو په ترڅ کې د پیل شويو ازموینو له صحنو څخه ليدنه او څارنه وکړه.
د لیدنې پر مهال د محصلانو چارو مرستيال د پوهنځيو مسؤلینو او استادانو ته سپارښتنه وکړه چې ازموینې دې د لوړو زدهکړو وزارت له اصولو او مقرراتو سره سمې په پوره شفافیت سره واخلي او پایلې دې پر خپل وخت له محصلینو سره شریکې کړي.
همداراز د مالي او اداري چارو مرستيال د پوهنځيو د مسؤلینو او استادانو ستونزې واورېدې او هغوی ته يې د حل ډاډ ورکړ.
د یادونې ده چې د روان سمستر نهايي ازموینې د لوړو زدهکړو وزارت د محترم مقام د لارښوونې او پوهنتون د رهبري شورا له پرېکړې سره سم نن د زمري(اسد) مياشتې پر ۶ مه نېټه پیل شوې او له ټاکل شوي مهالوېش سره سم به دوام ولري.
