پوهنتون مشرتابه پلاوي د خزاني سمستر له وروستيو ازموینو ليدنه او څارنه وکړه
د سید جمال الدین افغاني پوهنتون مشرتابه پلاوي د خزاني سمستر له پیل شويو ازموینو ليدنه او څارنه وکړه.
پوهنتون د علمي چارو مرستيال پوهندوی ميرويس ستانکزي؛ د محصلانو چارو مرستيال پوهنمل علي احمد بهار، د مالي او اداري چاري مرستيال قاري رحمن الله صادق، د پوهنځيو رييسانو او د امتحاناتو مرکزي کمېټې د غړو په ملتيا د خزاني سمستر د وروستيو ازموینو له صحنو څخه د لیدنې پر مهال د پوهنځيو مسؤلینو او استادانو ته سپارښتنه وکړه چې ازموینې باید په پوره شفافيت سره واخلي او پایلې يې پر ټاکلي وخت محصلينو ته اعلان کړي.
