پوهنتون محصلينو د خپلو علمي سفرونو پر دوام د کونړ ولايت له جهـادي مدرسـې څخه ليدنه وکړه
د سيد جمال الدين افغاني پوهنتون د پنځهگونو پوهنځيو(۵۰) تنو محصلينو د پوهنتون رييس شيخ عبدالمالک محسن، د محصلانو چارو مرستيال پوهنمل علي احمد بهار، د شرعياتو پوهنځي رييس مولوي سراج الدين عمر منصور او د پوهنتون استادانو په ملتيا د کونړ ولايت جهـادي مدرسې ته علمي سير وکړ او هلته يې په تنظيم شوې غونډه کې گډون او مقالې وړاندې کړې.
شيخ عبدالمالک محسن د پوهنتونونو او مدارسو پر ارزښت خبرې وکړې او دواړه یې د نظام ساتنې لپاره مهم وبلل. نوموړي په خپلو خبرو کې محصلين او د يـادې مـدرســـې زده کوونکي وهڅول چې د علم او پوهې زده کړې ته زياته پاملرنه وکړي چې لــه فراغــت وروســته ولس تــه د خــدمت مصدر وگرځي.
پوهنتون د محصلانو چارو مرستيال د يادې مدرسې شيوخو کرامو سره په خبرو کې له تحصيلي چاپېريال سره د زده کوونکو د بلدتيا په موخه پوهنتون ته راتگ بلنه ورکړه.
د يادونې ده چې دا علمي سفر د پوهنتون د محصلانو چارو معاونيت اړوند د محصلانو د خدمتونو او همغږۍ آمريت له لوري تنظیم شوی ؤ چې د پوهنتون محصلينو او د يادې مدرسې زده کوونکو په کې يوې لویې علمي غونډې ته خپلې ترتيب کړې مقالې وړاندې کړې او همداراز يې د يادې مدرسې له بېلابېلو برخو څخه ليدنه وکړه.
