پوهنتون رييس د دعوت او ارشاد آمريت د پروگرامونو په لړ کې د پوهنتون له استادانو سره اصلاحي مجالس داير کړل
د سيد جمال الدين افغاني پوهنتون رييس شيخ عبدالمالک محسن د اصلاحي مجالسو په ترڅ کې د پېنځهگونو پوهنځیو استادانو ته د امر بالمعروف او نهی عن المنکر قانون د بشپړ تنفيذ په برخه کې جدي لارښوونې وکړې او له هغوی يې وغوښتل چې د محصلینو مسلکي روزنې سربېره فکري او اصلاحي برخې ته پوره پاملرنه وکړي.
پوهنتون د دعوت او ارشاد آمر مولوي اعجازالحق زلِف د صورت او سيرت برابرولو په اړه تفصيلې خبرې وکړې او له استادانو يې د محصلينو په فکري او اصلاحي روزنه کې د همکارۍ مننه او د لا نورو هڅو غوښتنه وکړه.
