پوهنتون د محصلانو چارو مرستيال د پوهنځيو له رييسانو سره ناسته وکړه
سيد جمال الدين افغاني پوهنتون د محصلانو چارو مرستيال مفتي شېر افضل منصور د پنځهگونو پوهنځيو له رييسانو سره ناسته وکړه. نوموړي د پوهنځيو رييسانو ته د علمي سیر د پلان شريکولو، د اړوند کمېټو په ناستو کې د ټولو مسؤلينو فعال حضور، محصلينو ته په بېلابېلو برخو کې د عامه پوهاوي برنامو او د تدريسي بهير د لا ښهوالي په پار لازمې لارښوونې او سپارښتنې وکړې او همداراز يې د هغوی مشکلات او وړاندیزونه واورېدل او ستونزو د حل ډاډ يې ورکړ او ناسته د خیر په دُعا پای ته ورسېده.
