پوهنتون د فرهنگي چارو عمومي کمېټې ناسته وشوه
سيد جمال الدين افغاني پوهنتون د فرهنگي چارو عمومي کمېټې د علمي مرستيال قاضي عبدالهادي فضلي په مشرۍ ناسته وکړه چې د کمېټې ټولو غړو په کې برخه لرله.
پیل کې د علمي چارو مرستيال د ناستې گډونوالو ته ښه راغلاست ووايه او د اسلامي او افغاني ثقافت پر ارزښت او اهميت يې تفصيلي خبرې وکړې او زياته يې کړه، دا چې ټولنه له موږ څخه د لا ښه خدمت هيله لري نو ټول مسؤلين دې خپلې چارې په يووالي او ښه شان سره ترسره کړي. نوموړي د يادې کمېټې د تېرو کړنو او فعالیتونو له امله ستاينه او مننه وکړه. د علمي چارو مرستيال د فرهنگي کمېټې غړو ته سپارښتنه وکړه چې خپلې اړوندې چارې پر خپل وخت او له ټاکل شوي پلان سره سمې انجام کړي. په ياده کاري ناسته کې پر بېلابېلو موضوعاتو تر بحث وروسته لازمې پرېکړې وشوې.
