پوهنتون د علمي چارو مرستيال د زراعت پوهنځي له استادانو سره ناسته وکړه
د علمي چارو مرستيال او د پوهنتون سرپرست قاضي عبدالهادي فضلي د زراعت پوهنځي د رييس پوهندوی محمد حسن محمدي په شتون کې د دې پوهنځي له استادانو سره د ماسټرۍ برنامې د ايجاد پر اړتياوو مشورتي ناسته وکړه.
پيل کې د سيد جمال الدين افغاني پوهنتون علمي چارو مرستيال يادو استادانو ته د صحيح نيت، د ديني ارزښتونو علمي کولو او په چارو کې د اخلاص په اړه ديني لارښوونې بيان کړې او همداراز يې د کتابتون د غني کېدو، څېړنيز فارم د پراختيا او لابراتوار د تجهيز پر ميکانېزم يې تفصيلي خبرې وکړې.
د دغه مجلس په ترڅ کې پوهندوی محمد حسن محمدي د پوهنځي له پرمختگونو، لاسته راوړنو او راتلونکو پلانونو څخه لنډه يادونه وکړه او ياده ناسته د خیر په دُعا سره پای ته ورسېده.
