پوهنتون د زراعت پوهنځي ممتاز محصلین د يوې غونډې په ترڅ کې وستايل شول
دغه ستاينغونډه چې د سيد جمال الدين افغاني پوهنتون په تالار کې رابلل شوې وه، د زراعت پوهنځي مسؤلينو، استادانو او محصلينو برخه لرله. غونډې ته د ياد پوهنځي رييس پوهندوی محمدحسن محمدي په خپلو خبرو کې ممتازو محصلينو ته مبارکي وويله او د هغوی هڅې او لاسته راوړنې يې وستایلې. ياده غونډه ممتازو محصلينو ته د ستاينليکونو له ورکولو وروسته، د پوهنتون رياست مقام د دفتر آمر مولوي بشير احمد بشير پر لنډې وينا او دُعايه کلماتو سره پای ته ورسېده.
