پوهنتون د رهبري شورا ناسته وشوه

ياده کاري ناسته چې د سيد جمال الدين افغاني پوهنتون رييس شيخ عبدالمالک محسن په مشرۍ وشوه، د پوهنتون مرستیالانو، د پوهنځيو ريیسانو او د اداري برخې ځينيو آمرينو په کې گډون درلود؛ چې د روان سمستر تدريس بهير او ۲۰ سلنه ازموينو، د لوړو زده‌کړو مديريتي او معلوماتي سېستم، د تحصيلي نصاب بشپړ تطبيق، پوهنتون د استادانو او کارمندانو د ښارگوټي او يو شمېر نورو موضوعاتو په اړه يې بحث او پرېکړې وکړې.

پوهنتون رييس د پرانیستې وینا پر مهال د ښه راغلاست ترڅنگ د روان سمستر تدریسي بهير د لا ښه والي او د نورو موضوعاتو په هکله اړوندو مسؤلینو ته لازمې سپارښتنې او لارښوونې وکړې.

د بحث په ترڅ کې د پوهنتون مشرتابه د يادو موضوعاتو تر څنگ پر يو شمېر نورو بېلابېلو مسايلو بحث او پرېکړې وکړې.