پوهنتون د برېښنايي زده کړو کمېټې ناسته وکړه
سيد جمال الدين افغاني پوهنتون د برېښنايي زده کړو کمېټې د پوهنتون علمي چارو مرستيال پوهندوی ميرويس ستانکزي په مشرۍ ناسته وکړه، چې په کې د پوهنتون مرکزي کمېټې غړو برخه لرله.
پیل کې د علمي چارو مرستيال د کمېټې غړو ته د برېښنايي زده کړو په برخه کې لازمې سپارښتنې وکړې او د هغوی نظریات او وړاندیزونه يې واورېدل.
نوموړي د اړوندو پوهنځيو استازو ته لارښوونه کړه، چې د لوړو زده کړو وزارت له هدايت سره سم د برېښنايي زده کړو په برخه کې بشپړه امادهگي ولري. تر بحث وروسته د بېلابېلو موضوعاتو په اړه لازمې پرېکړې وشوې.
