پوهنتون د اداري شورا په ناسته کې د چارو په چټکتيا او کارونو کې پر اخلاص ټينگار وشو
ياده ناسته چې د سيد جمال الدين افغاني پوهنتون د رييس شيخ عبدالمالک محسن په مشرۍ تر سره شوه؛ د مالي او اداري چارو مرستيال قاري رحمن الله صادق په گډون په کې د پوهنتون آمرينو او عمومي مديرانو برخه لرله.
په ياده کاري ناسته کې د ا.ا.ا مشرتابه عالي مقام د فرمانونو عملي کول، د حاضرۍ پابندي، په اداري چارو کې د سلسله مراتب مراعت، د نظام له پاليسيو سره سم د کارونو سرته رسول، په چارو کې اخلاص او چټکتيا، له بیت المال څخه اصولي او سالمه استفاده، له مراجعينو سره نېکه رویه او نور بېلابېل موضوعات بحث شول.
د پوهنتون رييس د يادو موضوعاتو په هکله اړوند مسؤلینو ته لازمې سپارښتنې او لارښوونې وکړې او همداراز يې د ناستې له ټولو گډونوالو وغوښتل چې د خپلو مسؤليتونو د اجراء په برخه کې نافذه اصول مراعت کړي.
