سيد جمال الدين افغاني پوهنتون کې نويو محصلينو ته د ښه راغلاست غونډو لړۍ پيل شوه
نن ورځ د شرعياتو پوهنځي خپلو نويو شامل شويو محصلينو ته د ښه راغلاست او د پوهنتون له چاپېريال سره د پېژندگلوۍ غونډه جوړه کړه، چې په کې د پوهنځي مشرتابه، استادانو او محصلينو برخه لرله.
د ياد پوهنځي استادانو له لوري د پوهنتون او پوهنځي تشکیلاتي جوړښت، پوهنتوني چاپېریال، د محصل مسؤلیتونو، نصاب، کرېديت لايحې، د ليليې مقررې، تاجیل، منفکۍ، نظم او دسپلين، ازموینو د ډولونو، کتابتون، کمپيوټر لب او نورو اړونډو موضوعاتو په اړه چمتو کړي پرېزنټېشنونه وړاندې شول.
د يادونې ده چې د دې پوهنتون اړوند نور پوهنځي به هم له ټاکل شوي مهالوېش سره سم خپلو نويو شامل شويو محصليونو ته د ښه راغلاست او پوهنتوني چاپېريال سره د پېژندگلوۍ غونډې را وبولي.
هېره ده دې نه وي چې په سږ کال کانکور ازموينه کې د سيد جمال الدين افغاني پوهنتون پنځهگونو پوهنځيو ته نږدې(۱۳۰۰) تنه محصلين بريالي شوي دي.
