سيد جمال الدين افغاني پوهنتون د رييس پوهنمل محب الله محب په مشرۍ؛ پوهنتون د وېب سايټ بورډ ناسته وکړه
ياد بورډ چې د نشراتو او عامه پوهاوي عمومي مديريت په وړانديز او د پوهنتون رياست مقام په منظورۍ ټاکل شوی، نن په خپله لومړنۍ کاري ناسته کې د نشراتي پاليسۍ او طرز العمل په ترتيب، بورډ غړو د دندو پر ټاکنه، د وېب سايټ پر جوړښت او د نورو بېلابېلو موضوعاتو په اړه بحث او پرېکړې وکړې.
پيل کې د پوهنتون رييس پوهنمل محب الله محب د ښه راغلاست ترڅنگ، د وېب سايټ پر ارزښت خبرې وکړې او هغه يې د پوهنتون نړيواله دروازه وبلله. نوموړي همداراز د يادو موضوعاتو ترڅنگ د نورو بېلابېلو مسايلو په اړه د بورډ غړو ته لازمې سپارښتنې او لارښوونې وکړې.
غونډه د خير په دُعا سره پای ته ورسېده.
