سيد جمال الدين افغاني پوهنتون د تخار پوهنتون په ملي کنفرانس کې درېيم مقام خپل کړ
کونړ سيد جمال الدين افغاني پوهنتون«د افغانستان په دوامداره پرمختگ کې د طبیعي زېرمو د مدیریت رول» په ملي کنفرانس کې درېيم مقام خپل کړ.
ياد ملي کنفرانس چې د لوړو زدهکړو وزارت له لوري په تخار پوهنتون کې جوړ شوی ؤ، د هېواد په کچه بېلابېلو دولتي او خصوصي پوهنتونونو مقالې وراستولې وي، چې د سيد جمال الدين افغاني پوهنتون مقالو په کې درېيم مقام خپل کړ.
د سيد جمال الدين افغاني پوهنتون اداره د دې لوړ علمي وقار د ترلاسه کولو په پار په ټوله کې افغان ولس او په ځانگړي ډول د پوهنتون ټول زيارکښ پرسونل ته مبارکي وايي.
د يادونې ده چې د دې علمي بنسټ استادانو په تېر کې هم د علمي مقالو د محتوا او شمېر له مخې د کار او ټولنیزو چارو وزارت له لوري د کار په ملي کنفرانس کې لومړی، د لوړو زدهکړو وزارت له لوري د پکتیا پوهنتون په اقتصادي پرمختیا ملي کنفرانس کې دویم، د بدخشان پوهنتون د سیاحت په اړه جوړ شوي ملي کنفرانس کې پنځم او د کابل ښوونې او رزونې پوهنتون د ښوونې او روزنې پرمختیايي په ملي کنفرانس کې اووم مقام تر لاسه کړی ؤ.
