د ځنگلونو ارزښت، ساتنې، ورپېښو گواښونو او د حل لارو چارو تر سرليک لاندې علمي سېمينار وړاندې شو
دغه سېمينار چې د سيد جمال الدين افغاني پوهنتون د زراعت پوهنځي د ځنگلپوهنې او طبيعي سرچينو څانگې په نوښت جوړه شوی ؤ، د ياد پوهنځي استادانو او محصلانو په کې برخه لرله. په پيل کې د زراعت پوهنځي مرستيال پوهنمل عنايت الله جنتي د ښه راغلاست او پرانيستې وینا تر څنگ، د دا ډول علمي سېمينارونو دايرول خورا مهم وبلل او د سېمينار له تنظيموونکو يې مننه وکړه. د ياد سېمينار په ترڅ کې د ځنگلپوهنې او طبيعي سرچينو څانگې آمر پوهنمل شاهدالله امن له لوري د ځنگلونو ارزښت، پر وړاندې يې شته ستونزې او د حل لارو چارو په تړاو علمي سېمينار وړاندې شو او همداراز يې د گډونوالو پوښتنې هم ځواب کړې.
