د پوهنځيو رييسانو او ديپارتمنتونو آمرينو ته د پلان جوړونې په اړه يو ورځنی ورکشاپ دایر شو
دغه ورکشاپ د سيد جمال الدين افغاني پوهنتون علمي چارو معاونيت په چوکاټ کې د مسلکي زدهکړو پرمختیايي مرکز په نوښت جوړ شوی ؤ، چې د دې پوهنتون د پوهنځيو رييسانو او ديپارتمنتونو آمرينو په کې برخه لرله.
د ورکشاپ په پرانيسته کې د سيد جمال الدين افغاني پوهنتون رييس شيخ عبدالمالک محسن دا ډول روزنيز پروگرامونه گټور وبلل او د ياد مرکز له مسؤلينو يې د دې ورکشاپ دايرولو له امله مننه وکړه. نوموړي زياته کړه دا چې علمي بنسټونه ورځ تر بلې د پرمختگ په حال کې دي نو دا د مشرانو د پوره پاملرنې او د علمي کادرونو د دامدارو هڅو پايله ده.
د يادونې ده چې د دې ورکشاپ د روزنې چارې د اقتصاد پوهنځي استاد پوهنيار ماليار صديقي له لوري پر مخ وړل کېدې.
