د پوهنځيو رييسانو، مرستيالانو او د څانگو آمرينو ته د مکافاتو، تشویقي مواردو او مجازاتو چارو د تنظيم لارښود په هکله د پوهاوي سېمينار وړاندې شو
دغه يو ورځنی سېمينار چې د سيد جمال الدين افغاني پوهنتون د علمي چارو معاونيت په چوکاټ کې د مسلکي پرمختيا آمريت په نوښت جوړ شوی ؤ. په پيل کې د مسلکي پرمختيا آمر پوهنيار امان الله توتاخېل په خپلو خبرو کې د سېمينار اهميت او ارزښت بيان کړ او ورپسې د شرعياتو پوهنځي استاد پوهنمل عبدالرحمن عابد له لوري د ياد لارښود په تړاو چمتو شوی پرېزېنټېشن وړاندې شو او د لارښود ټولې برخې يې وار په وار تشريح کړې او په پای کې يې د گډونوالو پوښتنو ته ځوابونه ورکړل.
