د پوهنتون استادانو او اداري کارکوونکو ته د انساني قاچاق د مخنيوي په هکله د پوهاوي سېمينار وړاندې شو
دغه يو ورځنی سېمينار چې د سيد جمال الدين افغاني پوهنتون د علمي څېړنو او مجلې معاونيت په نوښت د معلوماتي ټکنالوژۍ په مرکز کې جوړ شوی ؤ؛ د پوهنتون رييس شيخ عبدالمالک محسن، د علمي څېړنو او مجلې مرستيال پوهندوی دوکتور سيد اصغر هاشمي، استادانو او اداري کارکوونکو په کې برخه لرله.
پيل کې د پوهنتون رييس په خپلو خبرو کې د سېمينار اهميت او ارزښت بيان کړ او په پوهنتونونو کې يې د دا ډول علمي پروگرامونو دايرېدل مهم او گټور وبلل.
ورپسې د علمي څېړنو آمر پوهنمل دوکتور محمدسليم کريمزي د موضوع په تړاو چمتو کړی پرېزېنټېشن وړاندې کړ او ټولې برخې يې وار په وار تشريح کړې او په پای کې يې د گډونوالو پوښتنو ته ځوابونه ورکړل.
