د مالي او اداري چارو مرستيال په مشرۍ ناسته کې د چارو په چټکتيا او کارونو کې پر اخلاص ټينگار وشو
سيد جمال الدين افغاني پوهنتون د مالي او اداري چارو مرستيال قاري رحمن الله صادق په مشرۍ تر سره شوې کاري ناسته کې چې په کې د مالي او اداري معاونيت اړوند آمرينو، عمومي او اجراييه مديرانو برخه لرله، پر بېلابېلو موضوعاتو يې بحث او پرېکړې وکړې.
په ياده ناسته کې د مشرتابه عالي مقام د فرمانونو او حکمونو عملي کول، پر خپل وخت له ياد معاونيت سره د کاري راپورونو او ځوابي مکتوبونو شريکول، په چارو کې سلسله مراتب مراعتول او نور بېلابېل موضوعات بحث شول.
د پوهنتون مالي او اداري چارو مرستيال د يادو موضوعاتو په هکله اړوندو مسؤلینو ته لازمې سپارښتنې او لارښوونې وکړې، چې وروسته ناسته د خیر په دُعا سره پای ته ورسېده.
