د مالي او اداري چارو مرستيال د پوهنتون له ليليې څخه لیدنه او څارنه وکړه
سيد جمال الدين افغاني پوهنتون د مالي او اداري چارو مرستيال حافظ مولوي محمدعثمان سعيد؛ د تهيې، تدارکاتو او خدماتو آمر محمد موسی محمدي او د ليليې عمومي مدير مولوي نسيم الله په ملتيا د ليليې له پخلنځي او نورو بېلابېلو برخو څخه لیدنه او څارنه وکړه. نوموړي د ليليې مسؤلينو او کارکوونکو ته سپارښتنه وکړه چې د خوړو کيفيت او د چاپېريال نظافت ته جدي پاملرنه وکړي. د يادې ليدنې ترڅنگ د مالي او اداري چارو مرستيال د ۱۴۰۴ کال کانکور ازموينې د محلونو د ترتيب او تنظيم له چارو څخه څارنه وکړه او اړوندو مسؤلينو ته يې لازمې لارښوونې وکړې چې د هغوی له لوري ډاډ ورکړل شو.
