د دعوت او ارشاد آمريت له لوري د يارگل بېلې په کمپس کې اداري او خدماتي کارکوونکو ته د قرانکريم ترجمې او تفسير درس پيل شو
سيد جمال الدين افغاني پوهنتون د دعوت او ارشاد آمريت له لوري د خپلو ديني او اصلاحي درسونو پر دوام پوهنتون د يارگل بېلې په کمپس کې اداري او خدماتي کارکوونکو ته د قرانکريم ترجمې او تفسير درس پيل شو، چې تر دې وروسته به په رسمي ورځو کې له ټاکل شوي مهالوېش سره سم دوام ولري.
پوهنتون د دعوت او ارشاد آمر مولوي اعجازالحق زلف د ياد درس په پرانيسته کې د قرانکريم اعجاز، د وحې تعریف او اقسام، د قرانکريم نزول او د تلاوت اهميت او ادابو په هکله تفصيلي بيان وکړ او ياد کارکوونکي يې په درس کې فعال گډون ته راوبلل.
ياده دې وي چې د نوموړي آمريت د مبلغ او مؤذن مولوي عبيدالله نعماني له لوري د پوهنتون سالارباغ په کمپس کې هم اداري او خدماتي کارکوونکو ته د قرانکريم ترجمې او تفسير درس له ټاکل شوي مهالوېش سره سم دوام لري.
