د امربالمعروف او نهی عن المنکر قانون د تنفيذ کمېټې د پوهنتون رييس په مشرۍ نوبتي ناسته وکړه
سيد جمال الدين افغاني پوهنتون د رييس شيخ عبدالمالک محسن په مشرۍ د امر بالمعروف او نهی عن المنکر قانون د تنفيذ کمېټې د ياد قانون د ښه تطبیق په موخه نوبتي ناسته وکړه چې په کې د مالي او اداري چارو مرستيال حافظ مولوي محمدعثمان سعيد، د دعوت او ارشاد آمر مولوي اعجازالحق زلِف او د کمېټې نورو غړو برخه لرله.
په پیل کې د پوهنتون رييس د چارو د ښه ترسره کېدو لپاره مشورې او ناستې مهمې وبللې او د کمېټې غړو ته يې لارښوونه وکړه چې د پوهنتون په چاپېريال کې د ذيرح(ساهلرونکي) انځورونو د منع، په جماعت سره د لمانځه اداء کولو او د پوهنتون منسوبينو او محصلينو د سيرت او صورت برابرولو په برخه کې جدي اقدامات وکړي.
په دغه کاري ناسته کې د يادې کمېټې غړو د پوهنتون له رييس شره د امر بالمعروف او نهی عن المنکر قانون د تطبیق په برخه کې د خپلو فعاليتونو راپورونه شريک کړل، چې د نوموړي له لوري ورته د ياد قانون د بشپړ تطبيق په تړاو لازمې لارښوونې او سپارښتنې وشوې. دا ناسته د خیر په دُعا سره پای ته ورسېده.
