د مالي او اداري چارو مرستيال په مشرۍ ناسته کې د چارو په چټکتيا او کارونو کې پر اخلاص ټينگار وشو
سيد جمال الدين افغاني پوهنتون د مالي او اداري چارو مرستيال حافظ مولوي محمدعثمان سعيد په مشرۍ تر سره شوې کاري ناسته کې چې په کې د مالي او اداري معاونيت اړوند آمرينو او عمومي مديرانو برخه لرله، پر بېلابېلو موضوعاتو يې بحث او پرېکړې وکړې.
په ياده ناسته کې د پوهنتون په کچه د اعتبار ورکولو نوي شوي چوکاټ او نورو بېلابېلو موضوعاتو په تړاو بحث وشو او مسؤلینو ته اړوند دندې وسپارل شوې.
د پوهنتون مالي او اداري چارو مرستيال د يادو موضوعاتو په هکله اړوندو مسؤلینو ته لازمې سپارښتنې او لارښوونې وکړې، چې وروسته ناسته د خیر په دُعا سره پای ته ورسېده.
