پوهنتون کې د کونړ ولايت پوهنې سکتور د همغږۍ ناسته وشوه
ياده غونډه چې معمولاً د پوهنې رياست په کوربهتوب کېږي، دا ځل په سيد جمال الدين افغاني پوهنتون کې د پوهنتون شيخ عبدالمالک محسن، د پوهنې رياست او د معارف سکتور اړوندو ولايتي ادارو او همکارو مؤسسو د استازيو په گډون تر سره شوه.
په پيل کې د پوهنتون رييس شيخ عبدالمالک محسن د غونډې برخهوالو ته ښه راغلاست ووايه او پوهنتون کې يې په ترسره شويو پرمختگونو او راتلونکو پلانونو خبرې وکړې. نوموړي له همکارو مؤسسو وغوښتل چې په خپلو فعاليتونو کې د پوهنتون انکشاف ته هم ځای ورکړي. ورپسې د غونډې نورو گډونوالو هم د خپلو کړنو او پلانونو په تړاو معلومات وړاندې کړل او ناسته د خیر په دُعاء سره پای ته ورسېده.
