پوهنتون د مالي او اداري چارو مرستيال په مشرۍ ناسته کې د چارو په چټکتيا او د حاضرۍ پر پابندۍ ټينگار وشو
سيد جمال الدين افغاني پوهنتون د مالي او اداري چارو مرستيال حافظ مولوي محمدعثمان سعيد په مشرۍ تر سره شوې کاري ناسته کې چې د معاونيت اړوند آمرينو او عمومي مديرانو په کې برخه لرله، پر يو شمېر موضوعاتو يې بحث او پرېکړې وکړې.
په ياده ناسته کې د حاضرۍ پابندي، د کار پر مهال تر لاس لاندې منسوبينو څارنه او لارښوونه، کارونو پر خپل وخت انجامول او نور بېلابېل موضوعات بحث شول.
د پوهنتون مالي او اداري چارو مرستيال د يادو موضوعاتو په هکله اړوندو مسؤلینو ته لازمې سپارښتنې او لارښوونې وکړې او همداراز يې د ناستې له ټولو گډونوالو وغوښتل چې د امر بالمعروف او نهی عن المنکر قانون ترڅنگ؛ د نظام نافذه اصولو او کړنلارو ته په پشپړ ډول ژمن واوسي. ناسته د خیر په دُعا پای ته ورسېده.
