پوهنتون د کيفيت لوړاوي عمومي کمېټې ناسته وشوه
سيد جمال الدين افغاني پوهنتون د کيفيت لوړاوي عمومي کمېټې د علمي چارو مرستيال قاضي عبدالهادي فضلي په مشرۍ ناسته وکړه، چې په کې د کيفيت لوړاوي آمر پوهنيار انتظار صديقي او د دې کمېټې غړو برخه لرله.
په ياده کاري ناسته کې د علمي چارو مرستيال د کمېټې مسؤلينو ته د کيفيت د لوړاوي په برخه کې لازمې لارښوونې او سپارښتنې وکړې او د هغوی نظرونه او وړاندیزونه يې واورېدل.
د کيفيت لوړاوي په دې کاري ناسته کې د پوهنتون پر لرليد او رسالت، د پوهنتون اړوند واحدونو په عملياتي پلانونو، پوهنتون عمومي کمېټو د غړو د ټاکنې پر څرنگوالي او دندو لايحو او همداراز پر نورو بېلابېلو موضوعاتو تر بحث وروسته لازمې پرېکړې وشوې، چې وروسته ياده ناسته د خیر په دُعا پای ته ورسېده.
