محصلينو ته د شرعي او تربیوي سېمينارونو دوره پيل شوه
په کونړ سيد جمال الدين افغاني پوهنتون کې محصلينو ته د شرعي او تربیوي دورې تر سرليک لاندې د اصلاحي سېمينارونو لرۍ پيل شوه.
د ياد بهير په پرانيسته کې د پوهنتون محصلانو چارو مرستيال، استادانو او محصلينو ګډون کړی ؤ.
د محصلانو چارو مرستيال پوهنمل علي احمد بهار د يادو سېمينارونو پر اهمیت هر اړخیزې خبرې وکړې او له محصلينو يې وغوښتل چې په پوره لېوالتیا په کې ګډون وکړي.
د يادو اصلاحي سېمينارونو لومړنۍ موضوع(د رسول الله ﷺ سیرت) د شرعياتو پوهنځي استاد پوهنمل نور الحق حليمي له لوري وړاندې شوه.
د يادونې وړه ده چې په دې لړ کې به د فکري روزنې په موخه له مهال وېش سره سم محصلينو ته شرعي، تربیوي او اصلاحي سېمينارونو داير شي.
