په کونړ ولايت کې د ۱۴۰۵ کال عمومي کانکور ازموينه د پيل په درشل کې ده
په همدې موخه د سيد جمال الدين افغاني پوهنتون رهبري د چمتووالي په پار ځانگړې ناسته وکړه، چې په منظم ډول د ازموينې ترسره کېدو لپاره يې پر مهمو موضوعاتو بحث او پرېکړې وکړې.
د پوهنتون عمومي رئيس الحاج مولوي عبدالواسع منصور اړوندو مسؤلينو ته لارښوونه وکړه، چې د راتلونکي کانکور ازموینې لپاره دې د اسانتياوو برابرولو په برخه کې خپل لازم تدابير ونيسي. دغه ناسته چې د پوهنتون مرستيالانو په گډون ترسره شوه، د چارو د لا ښه ترسراوي په موخه په کې اړوندو مسؤلينو ته دندې وسپارل شوې او ټينگار وشو چې ټول مسؤلين باید خپلې دندې په سمه توگه ترسره او يو له بل سره په اړوندو چارو کې پوره همکاري او همغږي وکړي.
د يادونې وړ ده چې د ازموينو عمومي ادارې له اعلان شوي مهالوېش سره سم به په کونړ ولایت کې د ۱۴۰۵ کال عمومي کانکور ازموينې د بايومتريک معلوماتو ثبتولو بهير د راتلونکې سهشنبې او چهارشنبې د ثور پر(۲۲- ۲۳مه) نېټه او د کانکور ازموينه به د پنجشنبې، جمعې او شنبې په ورځو د ثور پر(۲۴ – ۲۵ – ۲۶مه) نېټه په کونړ سيد جمال الدين افغاني پوهنتون-يارگل بېله کې واخيستل شي.
