کونړ ولايت کې د دیني مدارسو د عالمیې او عالیې مراحلو کلنۍ ازموینه په بريالۍ توگه پای ته ورسېده
یاده ازموينه چې څلور ورځې یې د گډونوالو فاضلانو د بایومتریک معلوماتو ثبت او شپږ ورځې یې د ازموینو اخیستلو ته ځانگړې شوې وې؛ د سید جمال الدین افغاني پوهنتون په انگړ کې له نږدې(500) گډونوالو فاضلانو څخه د ازموینې په اخیستلو سره نن ورځ رسماً پای ته ورسېده.
د پوهنتون ريیس شيخ عبدالمالک محسن د دې ازموینې بهير په بريالي ډول پای ته رسېدو په برخه کې؛ له لوړو زده کړو وزارت څخه راغلي پلاوي، د يادې ازموينې مديره هيئت، نگران علماءکرامو، امنيتي مسؤلينو او مجاهدينو څخه مننه وکړه چې په زيار او هڅو يې په دې ولايت کې د ۱۴۴۶ هـ. ق کال د دیني مدارسو کلنۍ ازموینه په شفاف ډول او د امن په فضاء کې پرته له کوم ځڼډ او خڼډ څخه پای ته ورسېده.
له مرکز کابل څخه راغلو اعلی نگرانانو: مولوي سيد رحمن انصاري او مولوي احمدگل منهاج؛ په ښه ډول د دې ازموینې په ترسراوي کې پوهنتون د رهبرۍ او د اړوندو مسؤلينو له هلو ځلو څخه مننه وکړه.
