کمپيوټرساينس پوهنځي ممتاز محصلین د يوې غونډې په ترڅ کې وستايل شول
په ياده ستاينغونډه کې د سيد جمال الدين افغاني پوهنتون رييس شيخ عبدالمالک محسن، د محصلانو چارو مرستيال پوهنمل علي احمد بهار، د کمپيوټرساينس پوهنځي رييس پوهنيار ذاکرالله عزام، د پوهنتون استادانو او اداري کارکوونکو او د ياد پوهنځي محصلينو گډون کړی ؤ.
غونډې ته د پوهنتون رييس شيخ عبدالمالک محسن د علم پر ارزښت تفصيلي خبرې وکړې او د غونډې له تنظيموونکو يې مننه وکړه.
د کمپيوټرساينس پوهنځي رييس پوهنيار ذاکرالله عزام په خپله وينا کې ممتازو محصلينو ته مبارکي وويله او د هغوی هڅې او لاسته راوړنې يې وستایلې.
ياده غونډه ممتازو محصلينو ته د ستاينليکونو له ورکولو وروسته د پوهنتون دعوت او ارشاد مبلغ مولوي عبيدالله نعماني پر لنډې وينا او دُعايه کلماتو سره پای ته ورسېده.
